TawfikYasser
commented
3 years ago
بعد 3 سنين في مجال علوم الحاسب انا متأكد بنسبة 95% ان في محتوي عربي قوي جداً في مجال علوم الحاسب بمختلف انواعها
لأني بحثت كتير جداً ولفيت اليوتيوب وجوجل وكتير من المواقع المشهورة
في رأيي الشخصي ان من ضمن اسباب ضعف الكفاءات العربية في مجال البرمجة هو صعوبة ايجاد محتوى عربي قوي يقدر يوصل المعلومة بشكل قوي
قابلت اشخاص كتير على يوتيوب عندهم فعلا محتوى مميز بس ضايع في محتوى كتيير غير مفيد بالمرة
مقارنة بالمحتوى الاجنبي ولما مثلا بذاكر من فيديوهات اجنبية او هندية ( بكون مضطر ) لو قدرنا نوفر للناس اللي بتدخل المجال جديد- وده هيزيد في السنين الجاية - المحتوى المميز ده في منصة واحدة مش بس على شكل كورسات والشكل النمطي ولكن بشكل فعلا يوازي او يكون افضل كمان من المحتوى الاجنبي ، يعني مثلا لما بيكون في كتاب مميز جداً ومفيد في لغة برمجة معينة والناس فعلا بتستفيد منه
الفرق اللي ممكن يحصل بيني وبين حد متمكن من اللغة انه هيفهم الموضوع بلغة كما انها لغته الام وده بيفرق في فهم العلم جداً
فعلا احنا محتاجين منصة تعمل ده وتوفر المحتوى المتميز بس بشكل سهل على الناس توصله و ده هيكون حاجة قوية جداً لأن حالياً مشكلتنا مش في ايجاد المعرفة مشكلتنا ف كثرة المعرفة وضياعها في بحر من المعرفة غير المرتبطة وغير المفيدة
اقصد مثلا ان ليه لو انا ببحث عن موضوع معين وبشكل تفصيلي جدا ممكن مقدرش اوصله على جوجل ولا على يوتيوب - الا لو بحثت لمدة ايام - هو موجود لكن مش ظاهر ودي الفكرة
انا هكون اول حد اشتغل على الموضوع ده بكل تفاني وحب لأن مش عايز حد يتعب في انه يلاقي محتوى علمي بلغته الام وده يضيع عليه فرصة انه يكون في يوم من الايام قد واكبر من المقارنة مع حد بيتكلم لغة اجنبية
انا عارف اني طولت اوي بس الكلام في الموضوع ده كتير ومهم ونفسي فعلا انا والشباب في الوطن العربي نشتغل على حاجة زي كده يمكن نكون احنا جوجل القادم
شكراً
KL13NT