Liz 收著一張批，自由時報轉寄，看著住址我就臆著內容是啥。

[sih4sing5hong5]

收著一張批，自由時報轉寄，看著住址我就臆著內容是啥。
果然，是寫來罵我的。伊講，閩南人共客人同化、滅族，若毋是華語來共救，in就死了了矣。所以叫阮遮的台語人，袂當用學術做借口，拍人的喝救人。

今仔日無煮食，佇路邊擔仔食滷肉飯，那看這張批，就有以下的感想：

台語人甘願予客人歧視，嘛毋願予華語人歧視；客人甘願予華語人同化，嘛毋願予台語人同化。
歷史上敢捌規定逐家干焦會當講台語、袂當講客語？無啊，只有，干焦會當講華語、袂當講客語，敢毋是？
做母語運動，台語人定著愛顧慮客語佮南島語，有機會就鬥捒，毋過，人無欲插潲你猶無打緊，不時嫌東嫌西罵頭罵尾才是害。
我規篇文章，攏是講「本土語言」，毋是講「台語」，是按怎會看做干焦欲捒台語？抑是講，「本土語言」佮「台灣人」仝款，對有的人來講就是負面詞？

真心換絕情。

------------------------------------
收到一封信，自由時報轉寄，看到住址我就猜到內容是甚麼了。
果然，是來罵我的。他說，閩南人把客家人同化、滅族，如果不是華語來救他們，他們就死光了。所以叫我們這些台語人，不要假學術之名，做賊的喊抓賊。

今天沒煮飯，在路邊攤吃滷肉飯，一邊看這封信，就有以下感想：
台語人寧願被客家人歧視，也不願被華語人歧視；客家人寧願被華語人同化，也不願被台語人同化。
歷史上曾經規定大家只能說台語、不能說客語嗎？沒有啊，只有，只能說華語、不能說客語，不是嗎？
從事母語運動，台語人一定要顧慮客語和南島語，有機會就幫忙推，不過，人家不鳥你就算了，不時還嫌東嫌西罵這個罵那個才糟糕。
我整篇文章都是說「本土語言」，不是說「台語」，為什麼會看成只要推台語？還是說，「本土語言」和「台灣人」一樣，對有些人來說就是個負面詞？

真心換絕情。

<iframe src="https://www.facebook.com/plugins/post.php?href=https%3A%2F%2Fwww.facebook.com%2Fliz462%2Fposts%2F1186972374649055&width=500" width="500" height="253" style="border:none;overflow:hidden" scrolling="no" frameborder="0" allowTransparency="true"></iframe>